21/03/17

Nota de afapp.gz.


Afapp.gz naceu fai catro anos como froito da interacción dun grupo de individuos con ganas de traballar de forma coordinada en base a intereses comúns.
O proxecto como se expuxo non ha funcionando, polo que parece absurdo manter o nome de asemblea posto que non o é.
Por tanto, aínda que seguimos sentindo a loita anticarcelaria e a solidariedade igual de necesaria que sempre, o proxecto cambia, entra en fase de reflexión interna e renuncia ao nome como tal polas razóns expostas, mantense o blogue en funcionamento á espera dun replanteamiento da actividade.
Saúde e liberdade.

A campanha contra o isolamento de Teto chega ao parlamento

tetoA situaçom do preso independentista viguês é insostível, encerrado em completa solidom desde o mês de Outubro. Este é o momento em que urge a solidariedade mais transversal e ativa. Agitaçom, propaganda e denúncia nas ruas, nos centros de ensino e de trabalho. Difusom polas redes, e ativaçom do envio sistemático de faxes à prisom. Aqui descarregar o modelo para cubrir os teus dados e assinar. Imprime e reparte na tua contorna, depois escaniza e envia-o a ceivar@ceivar.org nós encarregamos-nos de manda-los à prisom.

Esta sexta feira, dia 10 de Março faremos um primeiro envio massivo.
O vindeiro dia 17 faremos um segundo envio. E assim sem trégua até que a situaçom do Teto mude, até que pare esta tortura.

Proposiçom nom de lei e preguntas no Parlamento
A campanha entra também no parlamento atravês do BNG, que esta semana apresentou umha proposiçom non de lei para o seu debate em pleno, relativa à situaçom das presas galegas em régime FIES. Interessando-se pola situaçom do Teto em particular, que está a sofrer um régime de Primeiro Grao injustificado e o isolamento absoluto; praticamente meio ano sem convívio com outros presos. Completamente só as 24 horas.
O Bloco, na sua proposiçom insta a evitar o uso sistemático do régime fechado contra o coletivo de presas políticas, e mostra a sua preocupaçom pola arbitrariedade, subjectividade e ilegalidade do isolamento, situaçom que atenta contra os direitos humanos.
Ademais, formularom duas questom sobre este asunto na comisom parlamentária, a primeira foi: "Tem conhecimento o governo galego da aplicaçom em prisons do estado do régime fechado baixo critérios arbitrários? Que opiniom lhe merece?"
E umha segunda questom, relativa à dispersom: "Tem pensado o governo galego estabelecer algum tipo de demanda ao governo do estado para impedir a sistemática dispersom penitenciária como castigo adicional para os coletivos de presas políticas e a sua contorna?"

Escrever também é rachar os muros
Anima-te a escrever umhas linhas, cada mostra de apoio faz diferença!
Roberto Rodríguez Fialhega
Centro Penitenciario de Valladolid
Carretera del Adanero Gijón, km 94
47071 Villanubla, Valladolid