A campanha contra o isolamento de Teto chega ao parlamento

Extraido da web de Ceivar.

A situaçom do preso independentista viguês é insostível, encerrado em completa solidom desde o mês de Outubro. Este é o momento em que urge a solidariedade mais transversal e ativa. Agitaçom, propaganda e denúncia nas ruas, nos centros de ensino e de trabalho. Difusom polas redes, e ativaçom do envio sistemático de faxes à prisom. Aqui descarregar o modelo para cubrir os teus dados e assinar. Imprime e reparte na tua contorna, depois escaniza e envia-o a ceivar@ceivar.org nós encarregamos-nos de manda-los à prisom.

Esta sexta feira, dia 10 de Março faremos um primeiro envio massivo.

O vindeiro dia 17 faremos um segundo envio. E assim sem trégua até que a situaçom do Teto mude, até que pare esta tortura.

Proposiçom nom de lei e preguntas no Parlamento

A campanha entra também no parlamento atravês do BNG, que esta semana apresentou umha proposiçom non de lei para o seu debate em pleno, relativa à situaçom das presas galegas em régime FIES. Interessando-se pola situaçom do Teto em particular, que está a sofrer um régime de Primeiro Grao injustificado e o isolamento absoluto; praticamente meio ano sem convívio com outros presos. Completamente só as 24 horas.

O Bloco, na sua proposiçom insta a evitar o uso sistemático do régime fechado contra o coletivo de presas políticas, e mostra a sua preocupaçom pola arbitrariedade, subjectividade e ilegalidade do isolamento, situaçom que atenta contra os direitos humanos.

Ademais, formularom duas questom sobre este asunto na comisom parlamentária, a primeira foi: "Tem conhecimento o governo galego da aplicaçom em prisons do estado do régime fechado baixo critérios arbitrários? Que opiniom lhe merece?"

E umha segunda questom, relativa à dispersom: "Tem pensado o governo galego estabelecer algum tipo de demanda ao governo do estado para impedir a sistemática dispersom penitenciária como castigo adicional para os coletivos de presas políticas e a sua contorna?"

Escrever também é rachar os muros

Anima-te a escrever umhas linhas, cada mostra de apoio faz diferença!
Roberto Rodríguez Fialhega

Centro Penitenciario de Valladolid

Carretera del Adanero Gijón, km 94

47071 Villanubla, Valladolid

Video reportaxe: "O que non van contar na TV sobre o xuizo a catro independentistas galeg@s. Testemuñas da excepción".

Extraido de Abordaxe Revista.

Recibimos de Galiza Contrainfo un seu correo pedindonos "a sua difusión, que compartillemos e espallemos este video e a solidariedade, a reflexión e o apoio nestes momentos tan decisivos para o futuro destas catro persoas para fazer posíbel que a súa impunidade e criminalización non nos deixe cegas e xordas, e que asi sexamos moitas máis as testemuñas da excepción". Petición à que con gosto e solidariedade acedemos, e para tal colamos a video reportaxe e mais o texto que elabouraron para a sua estrena na rede, realizada onte às 20:00':

Nas semanas anteriores ao xuízo aos catro independentistas galeg@s na Audiencia Nacional, que decorrerá 24 e 25 de xuño, desde Galiza Contrainfo gravamos e editamos esta reportaxe sobre a situación dos presos políticos galegos, a vulneración dos seus dereitos e os das súas familias coa dispersión imposta, baixo a lexislación antiterrorista e coa criminalización dos medios de comunicación hexemónicos.

Conversamos coa nai de Eduardo Vigo, Aurora Domínguez, que nos acolleu na súa casa de Angrois, para falar da situación do seu fillo. No parque de Bonaval falamos con Xosé Lois Santos, pai de Antom Santos, sobre o seu percorrido desde que ingresaron ao seu fillo no cárcere.

Entrevistamos en Ourense ao presidente de Esculca, Fernando Arce, sobre dereitos humanos, estado de excepción e a (i)legalidade vixente.

Tamén falamos con Afonso, portavoz de Ceivar, antes da mobilización do organismo anti-represivo que percorreu Compostela baixo o lema de "a nosa solidariedade é imparábel".

Esta é a nosa aportación para que outras voces falen, relatos que non van aparecer na televisión sobre o xuizo da próxima semana.

eDu