Amosando publicacións coa etiqueta Complicidade. Amosar todas as publicacións
Amosando publicacións coa etiqueta Complicidade. Amosar todas as publicacións

09/03/15

[Pontevedra] Info actualizada sobre a folga de Javier Guerrero. Texto solidario


 
O compañeiro Javier Guerrero Carvajal leva dende o pasado 11 de decembro de 2014 en folga de fame esixindo, ademáis das demandas da propia campaña Cárcel=Tortura e da loita dxs outrxs presxs contra os malos tratos e os abusos nos cárceres do Estado español, que se revise a súa situación para que lle sexan devoltos os permisos de saída que lle foron retirados como castigo por unha sanción claramente inxusta, e que buscaba, xunto a moitas outras agresións a Javier, tratar de sometelo e impedirlle continuar denunciando o que acontece tras os muros.
(extraido de Abordaxe Revista)
Damos pulo ao correio que nos fixeron chegar os asinantes do texto “algúns anarquistas da cidade de Pontevedra” que se están movilizando en solidariedade con Javier Guerrero, do que nos contan que “xa está a piques de alcanzar o terceiro mes en folga de fame. O motivo polo cal aguantou tanto é que, cando foi operado dos riles, suministráronlle suero, e iso puido calmar un pouco os efectos da súa protesta. Sen embargo, atópase en grave perigo. Agradecemos por tanto difusión por todos os medios posibles”.
Dende Xaneiro, o compañeiro permanece ingresado na Unidade Penitenciaria do Hospital Provincial de Pontevedra, tras un agravio serio da súa saúde ligado a dúas breves folgas de sede – de catro días a primeira e de dous días a segunda – que sumou á súa folga de fame. Alí, Javier rexeitou os sueros e a comida, e a pesar das ameazas diversas que ten recibido (atalo á cama, poñerlle suero contra a súa vontade e outras) continúa a súa loita. O persoal do hospital actúa como cómplice desta tortura e seguindo as ordes da administración penitenciaria de A Lama (prisión pontevedra onde se atopaba internado no momento de iniciar a súa folga de fame) seguen sen deixarlle recibir visitas ou chamadas telefónicas dxs seus familiares e amigxs, limitándolle as visitas dxs abogadxs e negándolle o acceso ó seu expediente médico e á información acerca do seu estado de saúde. Todas estas medidas teñen coma obxectivo tentar disuadilo de continuar coa súa protesta.

09/03/13

A Impunidade das Torturas e Abusos Sexuais a Imigrantes



Recolhemos da web da "Campanha polo Cerramento dos Centros de Internamento de Estrangeirxs" esta notícia que amossa como a lei de estrangeria favorece a impunidade das torturas e os abusos policiais ( de maus tratos e de contido sexual) contra as pessoas internas nistos centros de reclussom de inocentes, cuio único "delito" é têr nascido num pais empobrecido, e como a "justiza" e o governo espanhol colabouram desfazendo-se das vítimas e das testemunhas que se atrevem a denunciar:

Um julgado cita a declarar aos internos que denunciaram maus tratos no CIE de Zapadores um ano depois de ser expulsados

A maioria de denúncias som arquivadas ao ser expulsadas as presuntas vítimas e as testemunhas

Denunciaram maus tratos, foram expulsados de forma imediata e um ano depois os citam a declarar para investigar o sucedido. Esta forma de proceder difícilmente vai permitir que se esclareza o que aconteceu na madrugada do 28 ao 29 de abril de 2012 no CIE de Zapadores. Cinco internos de origem argelino asseguraram que essa noite, entanto permaneciam nas suas celas, dous agentes da polícia entraram a fazer um registro com o pretexto de que olia a fume porque estavam fumando. Sairom sem atopar nada, pero aos poucos, um dos agentes de complexom forte volveu e arremetera de imediato contra eles; o polícia golpeou-lhes repetidamente com a sua porra, infrigéndo-lhes contusons de até 15 cm. na cara, o pescoço, o torso e os braços, segundo relatarom os jovens a integrantes da Campanha polo Cerramento dos CIE. O polícia berrava-lhes entanto golpeava-lhes, pero nom entenderam nada, dado que nom falavam castelám. Os moços -tres deles afirmaram ser minores- chegaram numha patera, junto a dez pessoas mais, à costa de Almeria em 8 de abril, tras jogar-se a vida numha travessia de 20 horas.

04/03/13

Novo arquivo dunha denuncia por torturas no C.P. de Teixeiro

Dúbidas sobre as actuacións dos xulgados de Betanzos.
O xulgado de instrución tres de Betanzos ditou o pasado 8 de xaneiro auto de arquivo no procedemento penal seguido contra funcionarios da prisión de Teixeiro por lesións e tortura a A.P.M.. A pesar do testemuño da única persoa que presenciou os feitos, a xuíza xustifica as feridas alegando necesidade de reducir o preso. EsCULcA figura como acusación popular.
Os feitos remóntanse a xaneiro de 2011, cando A.P.M. denunciou ter sido espancado, primeiro na sua cela e posteriormente no módulo de ingresos,  por varios funcionarios do penal de Teixeiro.
Na súa declaración como testemuña durante a tramitación das dilixencias previas, don A.P.L., compañeiro de cela do agredido, confirmou a versión de denunciante sinalando que non houbera incidente algún que poidese xustificar a actuación reximental dos funcionarios.
No entanto, en contra de tan coincidentes indicios, a xuiza Maria de Luna Taboada Martinez dita agora auto de sobresimiento sinalando que o informe médico forense indica que as feridas constatadas son "compatíbeis coa necesidade de reducir o interno dado o seu estado de axitación"
Esquece a titular do xulgado 3 de Betanzos que, fora da versión dada pola propia prisión para xustificar a agresión, non existe proba algunha de que A.P.M. se encontrase no que ela denomina “estado de axitación" no momento de se produciren as feridas e que a única testemuña dos feitos nega que o preso agredido se encontrase nese estado.