Atos Solidários e apresentaçom do livro: O teito é de pedra

Fruto dum intenso trabalho das ex-presas e ex-presos, de CEIVAR orgulhamo-nos de apresentar a nível nacional o livro O teito é de pedra: introduçom à vida e à luita arredista nas cadeias. Este documento pretende ser umha contribuiçom para o conhecimento coletivo do que hoje é umha realidade para a militância independentista galega: a prisionizaçom e a repressom penitenciária.

O momento em que damos a conhecer este material nom pode ser mais oportuno. Por umha parte, em 2 de abril haverá umha vista no Tribunal Supremo como passo prévio para que este dite sentença a respeito da existência ou nom dumha organizaçom armada independentista na Galiza. Também, em 17 de abril, Dia Internacional das Presas e Presos Políticos, o Organismo fará vários atos políticos assim como um concerto em 26 deste mês.

Além disto, em maio, os independentistas galegos Carlos Calvo e Xurxo Rodrigues enfrentarám-se a um processo político na Audiencia Nacional. Finalmente, outras doze pessoas serám julgadas em Compostela por ter-se manifestado contra os galegófonos agrupados na organizaçom de extrema direita Galicia Bilingüe.Também neste caso estám em jogo penas de cárcere por 48 anos

Presença de ex-presas independentistas nas apresentaçons:
Nas apresentaçons do livro contaremos com a presença de Júlio Saiáns, Miguel Nicolás, Óscar Sanches, Telmo Varela, Ugio Caamanho e Giana Rodrigues.
Maria Osório também acompanhará nos atos e aproveitará para explicar qual é a sua situaçom na atualidade. Lembramos que Maria foi julgada o 24 de junho de 2013 junto com Antom Santos, Eduardo Vigo e Roberto Rodrigues e a dia de hoje está aguardando a carta que lhe requira o seu ingresso no cárcere para passar quase umha década baixo régime FIES.
CEIVAR continua trabalhando
Hoje mais que nunca CEIVAR éumha ferramenta imprescindível nestes tempos nos que a brutalidade repressiva contra o independentismo segue um incremento generalizado de repressom contra os movimentos populares.

PONTE-VEDRA: Sexta feira (21 de Março) às 20:00 no C.S. Revira (rua Gonzalo Gallas, 4, rés do chão)  

GINÇO DA LÍMIA: Sábado (22 de Março) às 17:00 no C.S. Aguilhoar (rua Forno,  7, rés do chão)

NOIA: Terça feira (25 de Março) às 21:00 na Casa da Cultura (Corredoira de Luis Cadarso)

COMPOSTELA: Quarta feira (26 Março) às 20:00 na Facultade de História (Praça da Universidade,  1)
LUGO: Quinta feira (27 de Março) às 20:30 no C.S. Mádia Leva! (rua Serra de Ancares, 18)
FERROL: Sexta feira (28 de Março) às 18:00 no Ateneo Ferrolam (rua Magdalena, 202-204)
CORUNHA: Sexta feira (28 de Março) às 21:30 no bar Faluya  (rua Orzam, 75)
BURELA:Sábado (29 de Março) às 19:30 no C.S. Xebra! (rua Leandro Cucurny, 19)

CANGAS: Domingo (30 de Março) às 20:00 na Sopa de Pedra (rua A Guarda, 7)

OURENSE: Segunda feira ( 31 de Março) às 20:00 na Livraria Torga (rua da Paz, 12)

VIGO: Terça feira (01 de abril) às 20:00 no C.S. A Revolta (rua Real, 12)

 

extraido de Ceivar.org