[Estado español] A tortura existe e hai que erradicala!!. Máis de 833 persoas morreran en cativerio na última decada

(extraido de Abordaxe Revista)
Recollemos e traducimos da web “Date Cuenta” este artigo de Aitor Fernández:
Máis de 833 persoas morreron baixo custodia no estado español e máis de 6621 denunciaron ter padecido tortura ou maltrato na última década.


A Coordinadora para a Prevención e a Denuncia da Tortura (CPDT), plataforma integrada por organizacións que loitan contra a tortura e a defensa dos dereitos humanos, se creou en 2004 para velar pola aplicación e o seguimento dos mecanismos internacionais existentes de prevención da tortura no Estado español, dende a incorporación da Declaración Universal dos Dereitos Humanos ao dereito interno en 1978 ata a aprobación do Plan de Dereitos Humanos do Goberno de España en decembro de 2008.
A tortura é un crime contra a humanidade inflingido por un funcionario público que provoca dores ou sufrimentos graves, físicos ou mentais, cos fins de obter na vítima unha información ou confesión, de intimidación ou coacción ou de calquera tipo de discriminación.
Na última década, a CPDT foi testemuña do aumento de denuncias por presunta tortura ou maltrato no estado español, un dato que contrasta co escaso número de condenas existentes. Máis de 6621 persoas denunciaron ter padecido torturas e/ou maltratos entre 2004 e 2013. Como mínimo, 122 eran menores e 1032 emigrantes, un colectivo especialmente vulnerable. Só durante o ano 2012, 53 xornalistas denunciaron ter sido agredidos mentres realizaban o seu traballo informativo. Entre 2001 e 2013, polo menos 833 persoas (15 delas menores) morreron baixo custodia.

A omisión, por parte de todas as autoridades, das recomendacións de organismos internacionais e estatais para a prevención da tortura, a ralentización na tramitación das denuncias por parte da Xustiza e a falta de investigación real e independente das denuncias por xuíces e fiscais (así como os indultos e outras medidas de graza outorgadas), perpetúan ano tras ano a práctica da tortura no Estado español. Esta impunidade fixo que á CPDT non chegasen todos os casos de presuntas torturas e mortes baixo custodia. En 2013, por exemplo, a CPDT só tivo coñecemento do 15% das mortes totais baixo custodia que se cometeron en Catalunya.
No marco do seu décimo aniversario, a CPDT celebrará unhas xornadas no Col.legi d’Advocats de Barcelona os días 21 e 22 de novembro. A realidade da tortura e os maltratos no Estado español, a represión da disidencia e os instrumentos de mecanismos da prevención e a denuncia da tortura serán os tres bloques de traballo das xornadas.