Direitos e Liberdades na Galiza. Resumo 1º Trimestre 2013.

Já pode ser consultado o Resumo das notícias relacionadas com a Galiza em matéria de direitos fundamentais e liberdades públicas aparecidas na web durante os três primeiros meses de 2013. Um trimestre com claros e sombras em que a atitude beligerantemente restritiva dos diferentes poderes públicos toparom nom raro com umha resposta cidadá decidida.

As restriçons de direitos de sofre o colectivo migrante, agressons policiais e maus tratos em prisom de que forom objeto numerosas persoas,
medidas de duvidosa legalidade tomadas polo governo galego no ámbito educacional, as consequências da legislaçom de excepcionalidade que se aplica a persoas imputadas por actos de reivindicaçom independentista, o elevado custo que supom para o erário manter propagandistas da igreja católica em centros públicos como escolas e hospitais, as medidas da presidenta do Parlamento Galego para limitar a presença da cidadania nos plenos da cámara, a comprovada manipulaçom informativa dos média públicos (RTVG) ou a perseguiçom de sindicalistas som algumhas das notícias negativas que nos deixou este primeiro trimestre.
Do lado positivo,embora mais minguado, nom faltam também boas notícias: umha sentença absolutória por alegadas injúrias a um juiz, o apoio de todos os sindicatos que operam na Galiza à campanha global de BDS a Israel, a resoluçom favorável do Contencioso à decisom do Concelho de Alhariz de cobrar o IBI à igreja católica e a expansom dessa medida a Mondonhedo e Monforte e -mui especialmente- a crescente solidariedade com as persoas que padecem violência institucional na rua e nas prisons. Umha solidariedade que encontra eco em ámbitos como o Parlamento, até hai bem pouco alheios a esta injustiça, e vem acompanhada dumha maior visibilidade da situaçom que padecem as persoas agredidas graças ao tratamento que dam alguns média a esta situaçom e graças sobretodo às intervençons públicas de colectivos que trabalham na defensa dos direitos e as liberdades. Entre estas actuaçons, destacamos a celebraçom das Jornadas Anuais da Coordenadora para a Prevención da Tortura, que tiverom lugar em Compostela os dias 22-23 do pasado mes de março sob o título "Cámara Oculta: novas políticas de violencia institucional".

extraido da web de esculca.